Para- og kynlífsráðgjöf | kynlífsráðgjöf

Aldís þorbjörg er klínískur sálfræðingur með viðbótarmenntun í kynlífsráðgjöf. Hún veitir para- og kynlífsráðgjöf, heldur fræðslu erindi um hinseginleikann og kynlífsráðgjöf.

Pararáðgjöf er ætluð pörum til að leysa úr ágreiningi, byggja upp traust og nánd.

Kynlífsráðgjöf er ætluð bæði pörum og einstaklingum sem eru að takast á við vanda sem tengist kynlífi eða nánd.

Aldís Þorbjörg Ólafsdóttir

Aldís Þorbjörg, sálfræðingur, sinnir para- og kynlífsráðgjöf. Aldís Þorbjörg lauk cand.psych prófi í sálfræði frá Háskóla Íslands árið 2014. Hún lauk framhaldsnámi í para- og kynlífsráðgjöf við Michigan Háskóla (University of Michigan) árið 2020.

Aldís Þorbjörg starfar á Líf og Sál, sálfræði og ráðgjafastofu . Aldís veitir áfallameðferð samhliða kynlífsráðgjöf þegar við á. Hún hefur einnig sinnt ráðgjöf fyrir Samtökin ´78 síðastliðin ár og hefur þekkingu á málefnum hinsegin fólks.

Aldís hefur reynslu af því að starfa með einstaklingum sem eru að koma út úr skápnum, opna á hugsanir og tilfinningar sem tengjast kynhneigð, kynvitund eða ólíkum sambandsformum. Einnig einstaklingum sem eru að takast á við erfiðleika í fjölskyldu- eða ástarsamböndum, BDSM hneigðum einstaklingum og aðstandendum hinsegin fólks.

Bóka tíma

Hægt er að bóka tíma með því að hringja eða senda tölvupóst.

aldis@lifogsal.is

511-5508

Malmö var yndi! Fullt af fyrirlestrum sem tengja man við rannsóknir og önnur félög sem starfa á sviði kynfræði. En það sem stendur uppúr er fólkið 🩷

Að kenna pörum leiðir til að kjarna sig og róa niður taugakerfið sitt er mikilvægt til að auka getuna þeirra til að takast á við flókin vanda, vera á staðnum bæði í hversdeginum og í kynlífi en það er líka mikilvægt að geta tekið pásur þegar við erum ósátt. Hér eru nokkrar leiðir til að kjarna sig saman! 🩵

Að njóta saman getur þýtt svo margt. Í nútímasamfélagi þar sem mörg finna fyrir því að streita og þreyta draga úr kynlöngun getur sameiginleg sjálfsfróun verið frábær leið til að tengjast maka/leikfélaga og hlúa að kynlönguninni. Jú, það getur verið smá vandræðilegt stundum fyrst, en flest upplifa fljótt að þetta býður upp á aukin unað, tengingu og leik með maka/leikfélaga.

Flest, ef ekki allt, fólk með typpi lendir stökum sinnum í risvanda. Mikilvægt er að vita að það er eðlilegt að lenda stundum í risvanda. Ef þetta er eitthvað sem er oft að gerast eða er farið að trufla sjálfsfróun og/eða kynlíf er gott að byrja að vinna strax með vandann.
✨Skoðaðu hvaða hugmyndir þú hefur um kynlíf og þína frammistöðu í kynlífi.
✨Talaðu um vandann við þinn maka/bólfélaga. Það skiptir máli að finna fyrir stuðningi og hlýju þegar við lendum í risvanda.
✨Settu fókus á unað og nánd en ekki frammistöðu, í kynlífinu.
✨Núvitund og öndun eru góð leið til að róa taugakerfið niður þegar við verðum stressuð!
✨Settu fóks á aðra kynhegðun en samfarir. Að kunna margar leiðir til að veita og þiggja unað án þess að stunda samfarir á sennilega líka bara eftir að bæta kynlífið ykkar!
✨Talaðu við lækni ef þú hefur áhyggjur af líkamlegum þáttum eða nærð ekki árangri með því að draga úr streitu og pressu.

Jólagjöfin í ár mætti vera breytt handrit þegar það kemur að kynlífi. Það er ennþá þannig að konur í gagnkynjasambandi fá sjaldnar fullnægingu en maki þeirra.

Hér eru nokkur ráð! Og auðvitað er markmiðið með kynlífi ekki fullnæging en ef þú vilt fá það oftar eða vilt hætta að feika það.. nú er góður tíminn til að gera breytingar 🎁

✨Nokkrir punktar fyrir þau sem eiga erfitt með kynlífstækjanotkun maka/bólfélaga. Að skilja okkur sjálf er alltaf góð byrjun en svo er mikilvægt að ögra sér.. virkja forvitnina og reyna að skilja af hverju maki/bólfélagi hefur þörf á eða vill nota kynlífstæki. Ef þið getið nálgast tækin meira saman og samið um notkunina getur verið að þið upplifið aukin unað og verðið ánægðari með ykkar kynlif! En svo er gott að leita sér aðstoðar ef þessi vanlíðan er áfram til staðar og erfitt er að vinna úr henni án aðstoðar!

💥 Fantasíur eru sjaldnast um það sem við þekkjum best, þær byggja stundum á raunveruleikanum en bæta yfirleitt einhverju kryddi við. Rannsóknir sýna að flest fólk fantaserar og gera það jafnvel oft á dag eða viku.

Þegar fólk er spurt út í sínar helstu fantasíur er algengast að fólk nefni hópkynlíf, þar sem þrír eða fleiri stunda kynlíf saman. Þar að auki nefnir fólk oft fantasíur sem snúast um það að leika með sársauka eða völd. Annað algengt þema eru fantasíur sem beinast að því að fylgjast með öðrum stunda kynlíf eða að aðrir horfi á sig. 💥

Langanir okkar geta verið mjög ólíkar! 💥💥

🗝️ Lykillinn er heiðarleg en nærgætin samtöl um langanir okkar, fantasíur og mörk. Pössum okkur að varpa ekki skömm á langanir annarra en virðum einnig okkar eigin mörk og langanir.

Stundum heyri ég fólk lýsa fyrirfram mótuðum hugmyndum um kink sem passa ekki við þá upplifun sem viðkomandi á seinna meir! 💥

Tell Me What You Want eftir Justin Lehmiller er skemmtileg bók sem fjallar um niðurstöður kannana um fantasíur fólks.

Það að átta okkur á eigin fantasíum og þora smátt og smátt að deila því með maka/bólfélaga er líklegt til að hafa jákvæð áhrif á kynlífið þitt! 💥

Fyrsti pistillinn minn hjà Vísí fór í loftið í gær ❤️‍🔥

Foreldrar eiga hvað erfiðast með að finna tíma fyrir kynlíf, sérstaklega eftir því sem börnin verða eldri, vaka lengur og erfiðara er að fá næði.

Hér eru nokkur ráð sem vert er að reyna til að hlúa að nándinni yfir álagstíma- og jú sumartíminn er álagstími fyrir foreldra!

Skrifaði stutta grein um ýmsar mýtur um kynlíf hinsegin fólk með píku 🌈 Það er hægt að nálgast tímarit Hinsegin Daga í Pride Center-í Iðnó! Eða lesa hér: https://hinsegindagar.is/hinsegin-piku-unadur/

Jæja! Þá er ég bráðlega á leið í sumarfrí! Á sumrin upplifa sum pör erfiðleika við að hlúa að nánd og kynlífi. Hvernig ætlið þið að búa til pláss fyrir sambandið og nándina í sumar?
✨Kemur sami ágreiningur upp hvert sumar? Hvernig ætlið þið að tækla þær aðstæður öðruvísi núna?
✨Gleymið þið alveg að vera kærustupar í öllu krakkaprógraminu? Passið vel upp á tenginguna og gefið ykkur stutta stund hér og þar til að tengja!
✨Er sumarfríið bara ekki hentugur tími fyrir nánd og kynlíf? Setjið niður tíma saman fyrir eða eftir fríið bara fyrir ykkur!
Hafið það gott í sumar! 🔥

Ótrúlega vel lukkuð ráðstefna á vegum EFS í Bologna, með Indíönu Rós ☀️

Fyrirlestur frá Hinsegin Dögum 2022. Fjölástir og fjölbreytileikinn sem við @unnsteinnj skipulögðum.

💥Ethical non-monogamy er regnhlífarhugtak sem nær utan það að fólk getur átt í rómantískum eða kynferðislegum samböndum með fleiri en einni manneskju í einu. Undir Ethical Non-monogamy regnhlífinni eru t.d. opin sambönd, swing, kasjúalt kynlíf, fjölástir og fleira.

💥Fjölástir (e.polyamory). Fjölástir eru sambönd þar sem fólk er í upplýstum og meðvituðum ástarsamböndum með fleiri en einum aðila í einu.

💥Ólíkar leiðir er hægt að fara þegar það kemur að fjölástum. Stundum er í grunninn samband sem er í forgangi og út frá því spretta önnur sambönd. Stundum eru báðir aðilar í öðrum samböndum, en stundum bara annar aðilinn. Sum sambönd eru samansett af þremur einstaklingum, fjórum eða fleirum. Sum sambönd eru stigskipt önnur ekki. En í stigskiptu sambandi er ákveðið samband eða maki í forgangi.

💥 Sumt fjölkært fólk upplifir fjölástir vera hluti af sinni kynhneigð en einnig eru þeir sem líta á það sem lífsstíl. En eitt er víst, óhefðbundin sambönd falla undir hinsegin regnhlífina.🌈

Nú nálgast jólin sem geta verið krefjandi tími fyrir þau sem eiga í erfiðum samskiptum við fjölskyldu sína eða eru að vinna úr áföllum sem eiga rætur að rekja í æsku. Heilbrigð tengsl við allskonar fólk sem verður á vegi okkar geta verið mikilvægur liður í því að vinna úr slíku.

✨Örugg tengsl skapa rými þar sem hægt er að læra nýja hegðun, róa niður taugakerfið, æfa samskipti sem einkennast af virkri hlustun og virðingu.

✨ Hlúum vel að tengslunum okkar og verum meðvituð um það að í kringum okkur er fólk sem er ekki/ vill ekki vera í sambandi eða eru ekki í tengslum við upprunafjölskyldu sína. Þà eru tengslin við vini, samstarfsfélaga, nágranna og aðra einstaklega dýrmæt!

Þegar við þekkjum kveikjurnar og bremsurnar okkar getum við lagt okkur fram við að gera meira af því sem kveikjir í okkur. Á sama tíma er mikilvægt að draga úr því sem slekkur á kynlögun hjá okkur ✨

✨ Algengt að pör þurfi að læra að aftengja nánd og kynlíf þegar vandi kemur upp í tengslum við kynlíf✨

TW ❤️‍🩹 Áfallameðferð samhliða kynlífsráðgjöf felur í sér að vinna með áföll sem hafa áhrif á kynlíf, samskipti eða sambandið. Misjafnt er hvernig áföll hafa áhrif á kynlíf: sum upplifa sig aftengd eigin líkama og þörfum, önnur eiga erfitt með að ná slökun í líkamanum sem getur leitt til óþæginda/verkja, mörg sjá kynlíf ekki vera fyrir þau heldur bara fyrir aðra, sum eiga erfitt með að treysta, sum forðast sambönd og kynlíf alveg. Skömm og ótti við að standa sig ekki geta einnig komið upp.

Allskonar breytingar fylgja árinu 2021. Í janúar kvaddi ég ráðgjafaþjónustu Samtakanna '78 eftir fjögur ár sem ráðgjafi og í byrjun maí kvaddi ég Domus Mentis Geðheilsustöð þar sem ég hef starfað sem sálfræðingur í tæp þrjú ár. Nú hefst nýr kafli á Líf og Sál, sálfræði- og ráðgjafastofu. 🧡

Mætti í þennan skemmtilega hlaðvarpsþátt um kynlíf - Klukkan Sex. Hægt að hlusta inn á Ungruv.is eða í hlaðvarpsveitum. 💥

Samkennd í eigin garð og það að tala um skömmina er góð byrjun ✨ Skömmin minnkar þegar við deilum henni með fólki sem við treystum

Kjaftaði um kynlíf í kófinu í Lestinni í dag 🔥 Byrjar á mín 13:40.

Makamál tók viðtal við mig um kynlífsráðgjöf. Hlekkur í bio ✨

Gerðu lista: 💥þrjár uppáhalds minningar af góðu kynlífi. 💥 þrjàr fantasíur. 💥Allt sem þú getur gert til að kveikja á kynlöngun þinni.

Kláraði þessa nýverið.. Come As You Are eftir Emily Nagoski. Mæli með henni! ✨Emily fjallar um kynfæri, kynlöngun, hvað virkar til að kveikja á kynlöngun og hvað slekkur á henni. Áhrif streitu og slakrar sjálfsmyndar á kynlíf.

Mætti í mannlega þáttinn í morgun og ræddi um námið og starfið sem kynlífsráðgjafi ✨

Snerting, hrós, bros, augnsamband, að hlusta, að þakka fyrir eða gera litla hluti bara af því bara.. ✨

Kynlífsráðgjöf er ætluð bæði einstaklingum og pörum sem eru að takast à við vanda sem tengist kynlífi eða nánd. Flest pör bíða í mörg ár áður en þau leita sér aðstoðar en betra er að leita sér aðstoðar sem allra fyrst.
#paraogkynlífsràðgjöf

Lánsöm að hafa fundið nám sem hentaði mér fullkomlega, kynlífsráðgjöf er diplómunám. University of Michigan er með frábæra deild í Kynheilbrigði.

.pro-gallery-wix-wrapper {display: block !important;} .pro-gallery-wix-wrapper .gallery-item-container {opacity: 1 !important; display: block !important;}

Aldís Þorbjörg Ólafsdóttir

sálfræðingur & kynlífsráðgjafi

Aldís þorbjörg er klínískur sálfræðingur með viðbótarmenntun í kynlífsráðgjöf. Hún veitir para- og kynlífsráðgjöf, heldur fræðslu erindi um hinseginleikann og kynlífsráðgjöf.

Pararáðgjöf er ætluð pörum til að leysa úr ágreiningi, byggja upp traust og nánd.

Kynlífsráðgjöf er ætluð bæði pörum og einstaklingum sem eru að takast á við vanda sem tengist kynlífi eða nánd.

Aldís Þorbjörg Ólafsdóttir

Bóka tíma

Fylgist með á instagram

Aldís þorbjörg er klínískur sálfræðingur með viðbótarmenntun í kynlífsráðgjöf. Hún veitir para- og kynlífsráðgjöf, heldur fræðslu erindi um hinseginleikann og kynlífsráðgjöf. ​ ​ ​

​​

Pararáðgjöf er ætluð pörum til að leysa úr ágreiningi, byggja upp traust og nánd.

​

​​

​

Kynlífsráðgjöf er ætluð bæði pörum og einstaklingum sem eru að takast á við vanda sem tengist kynlífi eða nánd.

Aldís Þorbjörg Ólafsdóttir

Bóka tíma

​

Fylgist með á instagram

Aldís þorbjörg er klínískur sálfræðingur með viðbótarmenntun í kynlífsráðgjöf. Hún veitir para- og kynlífsráðgjöf, heldur fræðslu erindi um hinseginleikann og kynlífsráðgjöf.